DALA ng kaba ay hindi napigilang sumunod ni Ninia sa ama. Maging ang Mommy niya ay nagpahayag ng nerbiyos dahil sa nakitang galit kanina ng kanyang Daddy. Lumabas sila ng silid para hanapin ito. Malalaki ang hakbang niya dahil natatakot siyang baka kung ano ang gawin nito kay Alexis kapag nagkataon. Sa klase ng salita kanina ng Daddy niya ay halatang hindi ito kumbinsido na siya ang may kasalanan at hindi si Alexis. Ngayon lang niya ito nakitang magalit ng ganoon pero mukhang wala talaga itong sasantuhin.
"Mom, I'm sorry," aniya sa ina. Hinawakan niya ito sa isang kamay habang naglalakad sila. Hindi siya nito kinikibo at alam niyang masama ang loob nito sa kanya. Natakot tuloy siya dahil baka maging dahilan pa ang nangyari sa pagbalik sa dati ng kanyang Mommy. May sakit ito sa puso at hi
