NANUNUOT hanggang sa kaibuturan ni Ninia ang titig ng mga magulang nang magkakaharap na silang tatlo sa silid ng mga ito. Matagal ng nakatitig sa kanya ang kanyang Daddy pero hindi pa rin ito nagsasalita. Waring tinatantiya nito kung ano ang tamang salita para sa dinatnan nitong eksena kanina. At hanggang sa mga sandaling iyon ay nanliliit pa rin siya sa hiya. Sinabi ng mga itong siya muna ang kakausapin bago si Alexis at kinakabahan siyang lalo dahil doon. Baka kung ano ang gawin ng Daddy niya rito kapag magkaharap na. Lalo at bakas ang galit sa mga mata nito kanina. Matapos silang mahuli na naghahalikan ay isinama siya ng mga magulang pabalik sa inookupang kwarto ng mga ito sa Paradise Island. Naiwan sa tabing dagat si Alexis at Anthony pero hindi naman siya gaanong nangangamba dahil nar
