NANGINIG man sa kilig ang kanyang pakiramdam, hindi niya iyon ipinahalata kay Alexis. Ayaw niyang mapansin nito na nag-uumapaw sa saya ang kanyang puso. Gusto niyang makasiguro na hindi lang siya nag-a-assume dahil ayaw na niyang masaktan sa bandang huli. Kota na siya at baka kapag nasaktan siyang muli ay biglang aminin niya rito ang totoo.
"A-anong ibig mong sabihin, Lex?" Gusto niyang makasiguro na tama ang kanyang pagkakaintindi sa ibig nitong sabihin. Ayaw niyang magdiwang kaagad na hindi naririnig sa bibig nito ang malinaw na paliwanag. Maya-maya ay hinawakan nito ang dalawa niyang kamay at hinarap siya. Umisod rin ito ng upo para magkalapit silang mabuti.
"Listen to me and listen very well, lady. Ikaw ang laman ng puso ko, Ninia. Hindi ko alam kung kailan nagsimula pero maniwala
