Chapter 45 : Ang mga senyales
Boris POV
Kanina pa kumakatok sina Manang Rosita sa kuwarto ko pero hanggang ngayon ay hindi ko pa rin sila pinagbubuksan. Maghahapon na. Breakfast at lunch na ang na-skip ko kaya nag-aalala na siguro sila. Hindi kasi ako makalabas sa kuwarto ko. Pag-uwi ko kagabi galing sa sementeryo ay nagkulong na ako sa kuwarto ko. Naging balisa na ako simula nang matakam ako sa dugo ng pusa. Hindi ko alam kung anong nangyayari sa akin. Simula nang makagat ako ni Malcolm ay kung anu-ano nang weird ang nangyayari sa katawan ko. Hindi ko alam kung mamamatay na ba ako o magiging bampira na rin ako. Kasi, parang natatakam ako ngayon sa dugo. Doon bigla napunta ang pagka-uhaw ko. Kaya ako hindi lumalabas ng kuwarto ay baka bigla ko na lang sakmalin ang mga tao dito sa mansyon
