نصيب سلمى

#نصيب_سلمى1 ﻛﻨﺖ ﺩﺍﺧﻠﺔ ﺍﻟﻔﻴﺲ ﺑﺘﺼﻔﺢ ﺳﺎﺍﻱ ﻭﻣﺎﻑ ﻣﻮﺿﻮﻉ ﻋﺎﺩ ﻋﻨﺪﻱ ﺍﻟﻤﺠﺎﻥ ﻣﺎﻟﻲ ﻣﺎ ﺑﻔﺘﺢ ﻓﻴﺲ ?? ﻭﺻﻔﺤﺘﻲ ﻭﻫﻤﻴﺔ ﺷﺪﻳﺪ ﻳﻌﻨﻲ ﻻ ﺑﻨﺰﻝ ﺻﻮﺭﻱ ﻻ ﺑﻨﺸﺮ ﺑﺪﺧﻞ ﺍﻟﻘﺮﻭﺑﺎﺕ ﺑﻀﺤﻚ ﻭﺑﻘﺮﺃ ﺍﻻﺳﺘﺸﺎﺭﺍﺍﺕ ﻭﺑﻄﻠﻊ ﻻ ﺯﻭﻝ ﺑﺮﺳﻞ ﻟﻲ ﻻ ﺑﺮﺳﻞ ﻟﺰﻭﻭﻝ ??? ﻳﻮﻡ ﻗﺎﻋﺪﺓ ﻓﻲ ﺍﻣﺎﻥ ﺍﻟﻠﻪ ﺩﺍﺧﻠﺔ ﻗﺮﻭﺏ ﺑﺘﺎﻉ ﺍﺳﺘﺸﺎﺭﺍﺕ ﻗﻠﺖ ﻳﺎ ﺑﺖ ﺍﻟﺤﻴﺎﺓ ﺗﺠﺎﺭﺏ ﺍﻗﺮﻱ ﺍﻻﺷﺘﺸﺎﺭﺍﺕ ﺩﻱ ﻋﺸﺎﻥ ﺗﺘﻌﻠﻤﻲ ﺑﻌﺪﻳﻴﻦ.... ﻓﺠﺎﺀﺓ ﺟﺎﺗﻨﻲ ﺭﺳﺎﻟﺔ ?? ﺍﺟﻲ ﻛﻤﺎﻥ ﺩﺓ ﻣﻨﻮ ﺍﻟﺒﺮﺳﻞ ﻟﻲ ﻡ ﻣﺼﺎﺣﺒﺔ ﺍﻭﻻﺩ ﺯﺍﺗﻮ ﻳﺎﻫﻢ ﺍﻝ 10 ﺑﻨﺎﺕ ﺩﻳﻞ ﺗﻼﺗﺔ ﺍﺧﻮﺍﺗﻲ ﻭﻭﺍﺣﺪﺓ ﺑﺖ ﺟﻴﺮﺍﻧﺎ ﻭﺍﻟﺒﺎﻗﻴﺎﺕ ﻣﻦ ﺍﻫﻠﻲ ﺑﻨﺸﻄﻮ ﻓﻲ ﺍﻟﺴﻨﺔ ﻣﺮﺓ ? ﺍﻟﻤﻬﻢ ﻓﺘﺤﺘﻬﺎ ﺍﻻﺳﻢ ﻛﺎﻥ ﻇﺎﻫﺮ ﻟﻲ ﺃﺣﻤﺪ ﻣﻜﺘﻮﺏ ﺑﺎﻻﻧﺠﻠﻴﺰﻱ ﻭﺧﺎﺗﻲ ﻓﻲ ﺍﻟﺒﺮﻭﻓﺎﻳﻞ ﺻﻮﺭﺓ ﻟﻮﻧﻬﺎ ﺍﺯﺭﻕ ﺳﺎﺩﺓ ﺑﺘﺎﻋﺖ blue for Sudan . ﺣﻘﺖ ﻣﺠﺰﺭﺓ ﺍﻟﻘﻴﺎﺩﺓ ﺩﻳﻚ. .. ﻭﻛﺎﻥ ﻣﺮﺳﻞ ﻟﻲ ﺳﻼﻡ ﻛﻴﻔﻚ .. ? ﺍﺳﺘﻐﺮﺑﺖ ﻗﻠﺖ ﺩﺓ ﻣﻨﻮ ﻛﻤﺎﻥ ﻭﺩﺍﻳﺮ ﻣﻨﻮ ﺷﻨﻮ ? ﻋﺒﺎﻃﺔ ﺍﻻﻭﻻﺩ ﻭﻣﻤﻜﻦ ﻧﺘﻌﺮﻑ ﻭﺍﻟﻘﺮﻑ ﺩﺓ ﻣﺎ ﺑﻴﻨﻔﻊ ﻣﻌﺎﻱ ﺍﻧﺎ ?? ﻛﻨﺖ ﻋﺎﻳﺰﺓ ﺍﺣﻈﺮﻭ ﻃﻮﺍﻟﻲ ﺭﺳﻞ ﻟﻲ ﺍﻫﺎ ﺭﺳﻠﻲ ﺍﻟﺮﻗﻢ ... ﺑﻘﻴﺖ ﻋﺎﻣﻠﺔ ﻛﺪﺓ ?? ﺭﻗﻢ ﺷﻨﻮ ﻳﺎ ﻭﻟﺪ ? ﻗﺎﻝ ﻟﻲ ﺭﻗﻤﻚ ﺣﻴﻜﻮﻥ ﺷﻨﻮ ﻳﻌﻨﻲ ? ﻗﻠﺖ ﻟﻴﻬﻮ ﻭﺍﻧﺎ ﺑﻌﺮﻓﻚ ﻣﻦ ﻭﻳﻦ ﻋﺸﺎﻥ ﺍﺭﺳﻞ ﻟﻴﻚ ﺭﻗﻤﻲ ﺍﻧﺖ ﺣﻴﻮﺍﻥ ﻭﻻ ﺷﻨﻮ ﻭﻻ ﻗﺎﻳﻠﻨﻲ ﻓﺎﻛﺔ ﺑﺪﻱ ﺭﻗﻤﻲ ﻻﻱ ﺯﻭﻝ. ﻭﻛﻤﺎﻥ ﻗﺎﻝ ﺍﺩﻳﻬﻮ ﻟﻨﺎﺱ ﺍﻟﻔﻴﺲ ? ﻭﺍﻟﻠﻪ ﺩﺓ ﺍﻟﻔﻀﻞ ? ﻋﻠﻴﻚ ﺍﻟﻠﻪ ﺍﻧﺖ ﻣﺎ ﺑﺘﺨﺠﻞ ﻣﺎ ﻋﻨﺪﻙ ﺍﺧﻮﺍﺕ ﻓﻲ ﺍﻟﺒﻴﺖ ﺑﺎﻟﺠﺪ ﺧﻼﺹ ﺍﻟﺮﺟﺎﻝ ﻣﺎﺗﻮ ﻓﻲ ﻛﺮﺭﻱ .. ??? ﻛﻨﺖ ﻣﻨﻔﻌﻠﺔ ﺷﺪﻳﺪ ? ﺑﻌﺪ ﺷﻮﻳﺔ ﺭﺳﻞ ﻟﻲ ﻗﺎﻝ ﻟﻲ ﺩﻗﻴﻘﺔ ﺩﻗﻴﻘﺔ ﺍﻧﺖ ﻣﺘﺨﻠﻔﺔ ﻭﻻ ﻫﺒﻠﺔ ﻣﺶ ﺍﻧﺘﻲ ﻋﻠﻘﺘﻲ ﻓﻲ ﺯﻓﺖ ﺍﻟﻤﻨﺸﻮﺭ ﺍﻟﻠﻲ ﺍﻧﺎ ﻋﺎﻣﻠﻮ ﻓﻲ ﺍﻟﻘﺮﻭﺏ ﺻﺢ ﻭﻻ ﺍﻧﺎ ﺑﺘﺨﻴﻞ ??? ﻗﻠﺖ ﻟﻴﻬﻮ ﻳﺎﺗﻮ ﻣﻨﺸﻮﺭ ?? ﻗﺎﻝ ﻟﻲ ﻟﺤﻈﺔ ﻗﺎﻡ ﻋﻤﻞ ﻟﻲ ﺗﺎﻕ ﻓﻴﻬﻮ... ﻣﺸﻴﺖ ﺷﻔﺖ ﺍﻟﻤﻨﺸﻮﺭ ﻛﺎﻥ ﻋﺒﺎﺭﺓ ﻋﻦ ﺧﻤﺴﺔ ﺟﻮﺍﺋﺰ ﺑﺘﺘﻮﺯﻉ ﻋﺸﻮﺍﺋﻲ ﻟﺨﻤﺴﺔ ﻣﻦ ﺍﻟﻨﺎﺱ ﺍﻟﻠﻲ ﻓﻲ ﺍﻟﻜﻮﻣﻨﺘﺎﺕ ?? ﻭﺍﻟﺠﺎﺋﺰﺓ ﺭﺻﻴﺪ 500 ﻟﻜﻞ ﻭﺍﺣﺪ ﻓﻴﻬﻢ ? ? ﻋﺎﺩ ﺍﻧﺎ ﻣﻦ ﺍﻟﻠﻪ ﺧﻠﻘﻨﻲ ﺑﺸﺘﺮﻙ ﻓﻲ ﺑﻮﺳﺘﺎﺕ ﺍﻟﻤﺴﺎﺑﻘﺎﺕ ﻣﺎ ﺣﺼﻞ ﻓﺰﺕ ﺑﺎﻟﻐﻠﻂ ﻳﺎ ﺭﺑﻲ ﺍﻟﻠﻴﻠﺔ ﺡ ﺍﻣﻮﺕ ﻭﻻ ﻣﺎﻟﻲ ??? ﻃﻮﺍﻟﻲ ﺭﺟﻌﺖ ﻟﻴﻬﻮ ﻭﻛﻼﻣﻲ ﺍﺗﻘﻠﺐ 180 ﺩﺭﺟﺔ ﻗﻠﺖ ﻟﻴﻬﻮ ﻣﻌﻠﻴﺶ ﻭﺍﻟﻠﻪ ﻡ ﺍﻧﺘﺒﻬﺖ ﻛﻨﺖ ﻗﺎﻳﻼﻙ ﻣﻦ ﻧﻮﻉ ﺍﻻﻭﻻﺩ ﺍﻟﺤﺎﻳﻤﻴﻦ ﻓﻲ ﺍﻟﻔﻴﺲ ﺍﻻﻳﺎﻡ ﺩﻱ ﻭﻋﺎﻳﺰﻳﻦ ﻳﺘﻌﺮﻓﻮﺍ ﻋﻠﻲ ﺍﻱ ﺑﺖ ﺑﻌﺘﺬﺭ ﻭﺍﻟﻠﻪ ? ﻗﺎﻝ ﻟﻲ ﻡ ﺣﻨﻚ ﺍﻟﻤﻬﻢ ﺍﻧﺘﻲ ﺍﻟﻔﺎﻳﺰﺓ ﺍﻟﺨﺎﻣﺴﺔ ﺍﻛﺘﺒﻲ ﻟﻴﻚ ﺍﻱ ﺭﻗﻢ ﻋﺸﺎﻥ ﺍﺣﻮﻝ ﻟﻴﻚ ﺍﻟﻘﺮﻭﺵ ﺍﻥ ﺷﺎﺀ ﺍﻟﻠﻪ ﺭﻗﻢ ﺟﺪﻙ ? ﺭﺳﻠﺖ ﻟﻴﻬﻮ ﺭﻗﻤﻲ ﻗﺎﻝ ﻟﻲ 5 ﺩﻗﺎﻳﻖ ﻭﻳﺠﻴﻚ ... ﻗﻠﺖ ﻟﻴﻬﻮ ﻃﻴﻴﺐ ?? ﻭﻓﻌﻼ ﺑﻌﺪ 5 ﺩﻗﺎﻳﻖ ﺟﺎﺍﻧﻲ ﺍﻟﺮﺻﻴﺪ .. ﻗﻠﺖ ﻟﻴﻬﻮ ﺷﻜﺮﺍﺍ ﻟﻴﻚ ﻭﺍﻟﻠﻪ ﻡ ﻛﻨﺖ ﻣﺼﺪﻗﺎﻙ ﻟﻜﻦ ﻗﻠﺖ ﺍﺷﻮﻑ ﺍﺧﺮﻙ ﺷﻨﻮ ?? ﻗﺎﻝ ﻟﻲ ﺍﺻﻼ ﻭﺍﺿﺢ ﺍﻧﻚ ﻣﺎﺩﻳﺔ ﺣﻘﻴﺮﺓ ? ﻗﻠﺖ ﻟﻴﻬﻮ ﻻ ﻻ ﻭﺍﻟﻠﻪ ﻟﻜﻦ ﻣﺴﺎﺑﻘﺎﺕ ﺍﻟﻔﻴﺲ ﺩﻱ ﻛﻠﻬﺎ ﻃﻠﺲ ﺳﺎﺍﻱ ﻋﺸﺎﻥ ﻛﺪﺓ ? ﻗﺎﻝ ﻟﻲ ﺧﻼﺹ ﻫﺴﻲ ﻋﺮﻓﺘﻲ ﺍﻧﻬﺎ ﻡ ﻃﻠﺲ ... .....? ﻣﺎ ﺭﺩﻳﺖ ﻋﻠﻴﻬﻮ ﻭﻫﻮ ﻣﺎ ﺭﺳﻞ ﺗﺎﻧﻲ ﻭﺍﻧﺎ ﺍﻟﻴﻮﻡ ﺍﻟﺘﺎﻧﻲ ﺍﻟﺴﻮﻕ ﺟﺎﻙ ﺯﻭﻝ ﺍﺷﺘﺮﻳﺖ ﻛﺮﻳﻤﺎﺗﻲ ﻭﻇﺒﻄﺖ ﻧﻔﺴﺴﻲ ﺗﻤﺎﺍﻡ ? ? ﺑﻌﺪ ﺍﺳﺒﻮﻭﻉ ﻛﺪﺍﺍ ﻭﻻ ﺗﻘﺮﻳﺒﺎ 9 ﻳﻮﻡ ﺩﺧﻠﺖ ﺍﻟﻮﺍﺗﺲ ﻃﺒﻌﺎ ﻡ ﺑﻨﺸﻂ ﺍﻻ ﻛﻞ ﺍﺳﺒﻮﻭﻉ ﻋﺸﺎﻥ ﻣﻔﻠﺴﺔ ﺯﻳﺘﻲ ﻃﺎﻟﻊ.. ﺍﻟﻤﻬﻢ ﺩﺧﻠﺖ ﻟﻘﻴﺖ ﻓﻲ ﻭﺍﺣﺪ ﻣﺮﺳﻞ ﻟﻲ.. ﻳﺎ ﺳﻠﻤﻰ ﻛﻴﻔﻚ.... ﺍﺟﻲ ﻳﺎ ﺭﺑﻲ ﺩﺓ ﻣﻨﻮ ﻋﺎﻳﻨﺖ ﻓﻲ ﺍﻟﺼﻮﺭﺓ ﺑﺘﺎﻋﺘﻮﺍ ﻭﻭﻭﺏ ﻭﻭﺏ ﺍﻟﺼﻼﺓ ﻋﻠﻲ ﺍﻟﻨﺒﻲ ﻳﺎ ﺭﺑﻲ ﺩﺓ ﻣﻨﻮ ﺍﻛﻴﺪ ﻏﻠﻄﺎﺍﻥ ﻭﻭﺏ ﻟﻜﻦ ﺩﺓ ﻋﺎﺭﻑ ﺍﺳﺴﻤﻲ.... ﻭﺍﺍﺍﻱ ﺍﻧﺎ ﺑﻌﺮﻑ ﺍﺷﻜﺎﻝ ﺯﻱ ﺩﻱ ﻣﻌﻘﻮﻟﺔ ?? ﺍﻗﺴﻢ ﻧﺎﺳﻲ ﻛﻠﻬﻢ ﻋﻮﻻﻕ ﺣﻖ ﺍﻟﺮﺻﻴﺪ ﻣﺎ ﻋﻨﺪﻫﻢ ... ﺑﻘﻴﺖ ﺑﻨﺎﺩﻱ ﻓﻲ ﺍﺧﺘﻲ ﻳﺎ ﺳﺠﻢ ﺗﻌﺎﻟﻲ ﻟﻲ ﻫﻨﺎ ﺳﺮﻋﺔ ﺗﻌﺎﻟﻲ ﺷﻮﻓﻲ ﺳﻮﻭﺭﻋﺔ ﻭﺭﻳﺘﻬﺎ ﺍﻟﺮﺳﺎﻟﺔ ﻭﺍﻟﺼﻮﺭﺓ ﻃﺒﻌﺎ ﺧﻔﻈﺖ ﺍﻟﺼﻮﺭﺓ ﻓﻲ ﺍﻟﺘﻠﻔﻮﻥ ? ﺍﺧﺘﻲ ﺑﻘﺖ ﺗﻘﻮﻝ ﻟﻲ ﻭﻭﺍﺍﻱ ﻭﺍﺍﻱ ﻣﻦ ﺍﻳﻦ ﻟﻜﻲ ﻫﺬﺍ ﻳﺎ ﻛﻠﺒﺔ ﺍﻧﺘﻲ ﺑﺘﻌﺮﻓﻲ ﻧﺎﺱ ﻧﻀﻴﻔﺔ ﻣﻦ ﻭﺭﺍﺍﻱ ﺩﺓ ﻣﻨﻮ ﺩﺓ ??? ﻗﻠﺖ ﻟﻴﻬﺎ ﺑﺮﻱ ﻣﺎ ﺑﻌﺮﻑ ﻟﻘﻴﺘﻮ ﻣﺮﺳﻞ ﻟﻲ ﻭﻛﺎﺗﺐ ﺍﺳﻤﻲ ﻛﻤﺎﻥ ??? ﻗﺎﻟﺖ ﻟﻲ ﺧﻼﺹ ﺭﺩﻱ ﻛﻨﺖ ﻋﺎﻳﺰﺓ ﺍﻗﻮﻝ ﻟﻴﻬﻮ ﻳﺎ ﻋﻴﻮﻥ ﺳﻠﻤﻰ ?? ﺍﺧﺘﻲ ﻗﺎﻟﺖ ﻟﻲ ﺍﻧﺘﻲ ﻳﺎ ﺳﺠﻢ ﺍﺗﻘﻠﻲ ﺷﻮﻳﺔ ﺯﻭﻝ ﻣﺎ ﺑﺘﻌﺮﻓﻴﻬﻮ ﺧﻠﻴﻚ ﻋﻨﺪﻙ ﺍﻧﻮﺛﺔ ﻭﺍﺗﻘﻠﻲ ? ﻗﻠﺖ ﻟﻴﻬﺎ ﻳﻌﻨﻲ ﺍﻋﻤﻞ ﺷﻨﻮ ?? ﻗﺎﻟﺖ ﻟﻲ ﺭﺳﻠﻲ ﻟﻴﻬﻮ ﻭﻗﻮﻟﻲ ﻟﻴﻬﻮ ﺍﻧﺖ ﻣﻨﻮ ﻣﺎ ﻋﺮﻓﺘﻚ؟ ... ﻗﻤﺖ ﺭﺳﻠﺘﻬﺎ ﻟﻴﻬﻮﻭ ﻭﺑﻘﻴﻨﺎ ﻧﺤﻨﺎ ﺍﻻﺗﻨﻴﻦ ﻣﺎﺳﻜﻴﻦ ﺍﻟﺘﻠﻔﻮﻥ ﻭﻣﺴﺘﻨﻴﻴﻦ .... ?? ﺭﺳﻠﺖ ﻟﻴﻬﻮ ﺍﻧﺖ ﻣﻨﻮ ﻣﺎ ﻋﺮﻓﺘﻚ ؟! ؟ ﻗﺎﻝ ﻟﻲ ﺍﻧﺎ ﺍﺣﻤﺪ ? ﺍﺧﺘﻲ ﻗﺎﻟﺖ ﻟﻲ ﺑﺘﻌﺮﻓﻲ ﺍﺣﻤﺪﺍﺕ ﻛﻤﺎﻥ ﻭﺍﻟﻠﻪ ﻣﺎ ﺷﺎﺀ ﺍﻟﻠﻪ ﺗﻄﻮﺭﺍﺕ ﺣﺎﺻﻠﺔ ? ﻗﻠﺖ ﻟﻴﻬﺎ ﻫﻴﻴﻲ ﻭﺍﻟﻠﻪ ﻣﺎ ﺑﻌﺮﻑ ﺍﻱ ﺍﺣﻤﺪ ﺍﻧﺎ ﺣﻴﺎﺗﻲ ﺩﻱ ﻣﺎ ﻓﻴﻬﺎ ﺍﺳﻢ ﺑﺎﻟﺸﻜﻞ ﻛﺪﺓ ?? ﻗﻠﺖ ﻟﻴﻬﻮ ﻣﻌﻠﻴﺶ ﺑﺮﺿﻮﺍ ﺑﺲ ﻡ ﻋﺮﻓﺘﻚ ? ... ﻗﺎﻡ ﺿﺤﻚ ﻗﺎﻝ ﻟﻲ ﺑﺘﺎﻉ ﺍﻝ 500 ﺟﻨﻴﺔ ???? ﻃﻮﺍﻟﻲ ﺍﻧﺎ ﺑﻘﻴﺖ ﺍﺿﺤﻚ ﻭﺍﻗﻮﻝ ﺍﻫﺎﺍﺍﺍﺍ ? ﺍﺧﺘﻲ ﺑﻘﺖ ﺗﻌﺎﻳﻦ ﻟﻲ ?? ﻗﺎﻟﺖ ﻟﻲ 500 ﺷﻨﻮ ? ﺍﺻﻼ ﺍﻧﺎ ﺷﺎﻛﺔ ﻓﻴﻚ ﻣﻦ ﻳﻮﻡ ﻣﺎ ﻣﺸﻴﺘﻲ ﺍﻟﺴﻮﻕ ﻭﺍﺷﺘﺮﻳﺘﻲ ﺍﻟﻜﺮﻳﻤﺎﺕ ﻭﺍﻧﺘﻲ ﺣﻖ ﺍﻟﺮﺻﻴﺪ ﻭﺯﻳﺖ ﺍﻟﺸﻌﺮ ﻣﺎ ﻋﻨﺪﻙ ﺟﻴﺒﺘﻴﻬﻦ ﻣﻦ ﻭﻳﻦ ? ﻗﻠﺖ ﻟﻴﻬﺎ ﻫﻬﻴﻴﻲ ﻡ ﻫﺴﻲ ﺑﺤﻜﻲ ﻟﻴﻚ ﺑﻌﺪﻳﻦ ﻳﻼ ﺍﻃﻠﻌﻲ ﺑﺮﺍﺍ ﺧﻠﻴﻨﻲ ﺍﺗﻜﻠﻢ ﺑﻤﺰﺍﺝ ?? ﻗﺎﻟﺖ ﻟﻲ ﻭﺍﻟﻠﻪ ﺣﺪﻱ ﻣﻌﺎﻙ ﺍﻟﻤﻐﺮﺏ ﻟﻮ ﻣﺎ ﺟﻴﺘﻲ ﺣﻜﻴﺘﻲ ﻟﻲ ﺑﻤﺸﻲ ﺑﻮﺭﻱ ﺍﻣﻲ ﻭﺍﻗﻮﻝ ﻟﻴﻬﺎ ﺑﺘﻚ ﺑﺘﺸﻴﻞ ﻗﺮﻭﺵ ﻣﻦ ﺍﻻﻭﻻﺩ ﻭﺗﺸﺘﺮﻱ ﺑﻴﻬﻦ ﻛﺮﻳﻤﺎﺕ ?? ﻗﻠﺖ ﻟﻴﻬﺎ ﻳﺎﺍﺥ ﺑﺤﻜﻲ ﻟﻴﻚ ﺍﻧﻘﻌﻠﻲ ....?? ﻃﻠﻌﺖ... ﻗﻤﺖ ﺭﺳﻠﺖ ﻟﻴﻬﻮ ﺍﻳﻮﺍﺍﺍ ﻃﻴﺐ ﻣﺎ ﺗﻘﻮﻝ ﻛﺪﺓ ﻣﻦ ﺍﻻﻭﻝ ? ﻗﺎﻝ ﻟﻲ ﻣﺶ ﻗﻠﺖ ﻟﻴﻚ ﺍﻧﻚ ﻣﺎﺩﻳﺔ ﺣﻘﻴﺮﺓ ...?? ﻗﻠﺖ ﻟﻴﻬﻮ ﻻ ﻻ ﺍﺭﺟﻮﻙ ﻡ ﺗﻔﻬﻤﻨﻲ ﺻﺎﺍﺡ ﻳﺎﺥ ?? ﻭﺑﻌﺪﻳﻦ ﺍﻧﺎ ﻟﺴﺔ ﻣﺎ ﻣﺼﺪﻗﺔ ﺍﻗﺴﻢ ﺑﺎﻟﻠﻪ ﻳﻌﻨﻲ ﺍﻧﺎ ﻓﺰﺕ ﻓﻲ ﺣﺎﺟﺔ ﻗﺒﻞ ﺍﻣﻮﻭﺕ ??? ﺿﺤﻚ ﻗﺎﻝ ﻟﻲ ﻋﻠﻲ ﻓﻜﺮﺓ ﺍﻧﺎ ﻣﺮﺳﻞ ﻟﻴﻚ ﻣﻦ 3 ﻳﻮﻡ ﺷﻜﻠﻚ ﻣﺎ ﺑﺘﺨﺸﻲ ﻭﺍﺗﺲ ? ﻗﻠﺖ ﻟﻴﻬﻮ ﺍﺍﻱ ﻭﺍﻟﻠﻪ ﺍﻟﺠﺎﻣﻌﺔ ﻭﻛﺪﺍ ﻭﺍﻻﻣﺘﺤﺎﻧﺎﺕ ... ? ‏( ﺍﻧﺎ ﻛﻀﺎﺑﺔ ﺳﺎﻱ ﺟﺎﻣﻌﺔ ﺷﻨﻮ ﻛﻤﺎﻥ ﺍﻟﺒﺘﻤﻨﻌﻨﺎ ﻣﻦ ﺍﻟﻮﺍﺗﺲ ﻭﺍﻟﻠﻪ ﺑﺲ ﻣﻔﻠﺴﺴﺔ ﻭﻋﻴﻨﻲ ﻃﺎﻟﻌﺔ (? ﻗﺎﻝ ﻟﻲ ﺍﻳﻮﺍﺍﺍ ﺑﺘﻘﺮﻱ ﻭﻳﻴﻦ ﺍﻧﺘﻲ ؟؟ ﻗﻠﺖ ﻟﻴﻬﻮ ﺍﻟﺘﻘﺎﻧﺔ.... ? ﻗﺎﻝ ﻟﻲ ﻳﺎ ﺯﻭﻟﺔ ﺍﻧﺘﻲ ﻃﻴﺐ ﻣﺎ ﻗﺮﻳﺒﺔ ﻣﻨﻨﺎ ﺷﺪﻳﻴﺪ ? ﻗﻠﺖ ﻟﻴﻬﻮ ﻛﻴﻔﻔﻒ ...? ﻗﺎﻝ ﻟﻲ ﺍﻧﺎ ﻗﺎﻋﺪ ﻣﻊ ﺍﺧﺘﻲ ﻓﻲ ﺑﻴﺘﻬﺎ ﺭﺍﺟﻠﻬﺎ ﻣﺴﺎﻓﺮ ﻟﻤﺪﺓ ﺗﻼﺗﺔ ﺷﻬﻮﺭ ﻭﺑﻴﺘﻬﺎ ﻗﺮﻳﺐ ﻣﻦ ﺟﺎﻣﻌﺘﻜﻢ ﻣﺎ ﺑﻌﻴﺪ ﺷﺪﻳﺪ ﻃﻮﺍﺍﻟﻲ ﺑﺠﻲ ﺑﺠﻤﺒﻬﺎﺍ ﺍﻧﺎ. .... ﻗﻠﺖ ﻟﻴﻬﻮ ﺍﻳﻮﺍﺍﺍ ﺣﻠﻮﻭ ... ? ﻗﺎﻝ ﻟﻲ ﺍﻧﺎ ﻃﺎﻟﻊ ﻳﻼ ﻟﺒﻌﺪﻳﻦ ... ﻗﻠﺖ ﻟﻴﻬﻮ ﻃﻴﻴﺐ ? ﻭﻭﻱ ﻭﻭﻱ ﻭﻭﻱ ﺑﻘﻴﺖ ﺍﻋﺎﻳﻦ ﻟﻠﺒﺮﻭﻓﺎﻳﻞ ﻭﺗﺎﻧﻲ ﻧﺰﻝ ﺣﺎﻟﺔ ﻛﺎﻥ ﻓﻴﻬﺎ ﺻﻮﺭﺗﻮﺍ ﻣﻊ ﺑﺖ ﺻﻐﻴﺮﻭﻧﺔ ﻭﻛﺎﺗﺐ ﻓﻴﻬﺎ ﻭﺍﻟﻠﻪ ﻣﺎ ﺑﺘﺘﺠﺎﺯﻑ ﺍﻻ ﺑﺄﺧﺘﻚ ﻭﺑﻨﺘﺎﻫﺎ... ﺷﻜﻠﻬﺎ ﺩﻱ ﺑﺖ ﺍﺧﺘﻮ ﺍﻟﻘﺎﻝ ﻋﻠﻴﻬﺎ... ﺍﺣﺤﻴﻴﻲ ﺳﻤﺎﺣﺔ ﺗﻠﺨﻢ ﺗﻠﺨﻢ ??? ﺑﻘﻴﺖ ﻣﻘﻬﻴﺔ ﻓﻲ ﺍﻟﺤﺎﻟﺔ ﻛﻞ ﺷﻮﻳﺔ ﺑﻔﺘﺤﻬﺎ ﻭﺍﻟﻮﺍﺗﺲ ﺑﺘﺎﻋﻲ ﻣﺎ ﺑﺴﺮﻕ ﺍﻟﺤﺎﻻﺕ ﻗﻠﺖ ﻫﻴﻲ ﻛﻠﻬﺎ 40 ﻣﻴﻐﺎﺑﺎﻳﺖ ﺍﺣﺴﻦ ﺍﻗﻔﻞ ﺍﻟﻨﺖ ﺍﺣﻴﻴﻲ ﻋﻠﻲ ﺣﻈﻲ ? ﻗﻠﺖ ﻡ ﻣﺸﻜﻠﺔ ﻳﻼ ﻗﻔﻠﺖ ﺍﻟﻨﺖ ﻭﻃﻠﻌﺖ ﻣﺸﻴﺖ ﺍﻟﻤﻄﺒﺦ ﻟﻘﻴﺖ ﺍﺧﺘﻲ ﺑﺘﺎﻛﻞ ﺟﻴﺖ ﺩﺍﺧﻠﺔ ﺑﺒﺘﺴﻢ ﺳﺎﺍﻱ ?? ﺑﻘﺖ ﺗﻌﺎﻳﻦ ﻟﻲ ﻣﻦ ﻓﻮﻕ ﻟﺘﺤﺖ ﻗﺎﻟﺖ ﻟﻲ ﺍﻫﺎﺍ ﺍﺣﻜﻲ ? ? ﺍﻟﻤﻬﻢ ﺣﻜﻴﺖ ﻟﻴﻬﺎ ﻛﻞ ﺍﻟﻤﻮﺿﻮﻉ ﻣﻦ ﻃﻖ ﻃﻖ ﻟﻠﺴﻼﻡ ﻋﻠﻴﻜﻢ ? ﻗﺎﻟﺖ ﻟﻲ ﻳﺨﺴﺴﺴﺴﻲ ﻋﻠﻴﻚ ﻳﺎ ﺳﻠﻤﻰ ﻭﺍﻟﻠﻪ ﺗﻔﻒ ﻋﻠﻴﻚ ﻣﻦ ﺟﻮﺓ ﻗﻠﺒﻲ ﺗﻜﺴﺒﻲ 500 ﻣﺎ ﺗﺪﻳﻨﻲ ﻣﻨﻬﺎ ﻭﻻ ﺟﻨﻴﻴﻬﻪ ? ﺍﻥ ﺷﺎﺀ ﺍﺷﺘﺮﻱ ﻟﻲ ﺻﺒﺎﻉ ﺑﺘﺎﻉ ﺳﻔﻚ ﺍﻥ ﺷﺎﺀ ﺍﻟﻠﻪ ﺟﻠﺴﺮﻳﻦ ﺍﺗﻤﺴﺢ ﺑﻴﻬﻮ .. ﻭﺍﻟﻠﻪ ﺗﻔﻒ ﻋﻠﻴﻚ ﻣﻦ ﻫﻨﺎ ﻟﻐﺎﻳﺔ ﺍﻟﺼﺒﺎﺡ ...? ﺑﻘﻴﺖ ﺍﺿﺤﻚ ﻗﻠﺖ ﻟﻴﻬﺎ ﺧﻼﺹ ﺑﻜﺐ ﻟﻴﻚ ﻣﻦ ﻛﺮﻳﻤﻲ ﺷﻮﻭﻳﺔ ....??? ﻳﻼ ﺻﻠﻴﺖ ﺍﻟﻌﺸﺎﺍﺍ ﻭﺳﺮﺣﺖ ﺷﻌﺮﻱ ﻳﺎ ﻳﻤﺔ ﻭﺟﺒﺖ ﻛﺮﻳﻤﻲ ﻋﻤﻠﺘﻮ ﻭﻟﺒﺴﺖ ﺍﻻﻛﻴﺎﺱ ﻓﻲ ﺭﺟﻮﻟﻲ ﻗﻠﺖ ﺍﺷﻮﻑ ﺍﻟﻔﻴﺲ ﻭﺍﻟﻮﺍﺗﺲ ﻓﻴﻬﻢ ﺷﻨﻮ ﻭﺑﻌﺪﻳﻦ ﺍﻣﺴﺢ ﻳﺪﻳﻨﻲ ﻭﺍﻟﺒﺲ ﺍﻛﻴﺎﺳﻲ ﻭﺍﺗﺨﻤﺪ .. .. ﻗﻤﺖ ﺩﺧﻠﺖ ﺍﻟﻮﺍﺗﺲ ﻟﻘﻴﺘﻮ ﻣﺮﺳﺴﻞ ﻟﻲ ﺻﺎﺍﺍﺣﻴﻴﺔ ؟ ?..! ﻳﺘﺒﻊ