FARRAH'S POV
-----
NAPAPAKUNOT ang aking noo dahil sa naririnig kong tsismis. Wala silang ibang bukambibig kundi si Shella. Ano bang mayroon sa kanya? Kahapon pa ito. Hindi kasi ako nakipag-tsismisan kina Maxima dahil kinailangan kong umuwi nang maaga. Nagbabakasakali lang naman ako na mapuntahan si Mommy pero malabo, may bantay siyang dalawang tauhan ni Tanda.
Nanggigigil ako!
"Sabay ulit tayong kumain mamaya." Napatingin ako kay Noah. Wala nang ginawa kundi bumuntot sa akin.
"Bahala ka sa buhay mo, kahit naman ayoko, sasama ka pa rin!" Mataray kong sagot.
Tumawa lang siya. Kairita talaga kahit kailan pero kailangang maging mabait ako sa kupal na ito. Balang araw, magagamit ko siya.
"Siyempre dapat lagi mo akong kasama. Mamaya may ibang lalaking umaaligid sa iyo, hindi puwede iyon.
