C H A N
Naglalakad ako kasabay si Kitty sa hallway ng aming department papunta sa classroom.
"So, kumusta iyong anniversary niyo noong nakaraang taon?" tanong nito at hindi ko alam kung ilang beses na niyang naitanong sa akin iyan.
Limang buwan na ang nakalipas, kakatapos lang ng school year at ngayo'y mag-second year college na kaming dalawa. Araw ng enrollment ngayon at magkasama kami para magpasa ng requirements.
At buong summer vacation ay iyan lang ang palagi niyang itinatanong sa tuwing magkatawagan kaming dalawa. Dahil umuwi ito sa kanilang probinsiya at ako nama'y buong bakasyon kong kasama si Miguel.
"Bakit ba tanong ka nang tanong, nasagot ko na iyan noong nakaraan, eh!" sabi ko sa kaniya at inirapan ito.
Nagpatuloy ako sa paglalakad nang biglang mag-vibrate ang cellphone k
