C H A N
Buong maghapon ay hindi ako makapag-focus sa klase. Ang dami-daming pumapasok sa isipan ko, bumabalik na naman ang takot at mga pangamba ko sa possibleng mangyari sa aming dalawa ni Miguel.
Nag-isip din ako ng mga paraan upang makausap ko si Miguel. Dahil ayaw kong patagalin pa ang away naming ito na simpleng away lang naman pero ganito ang nagiging epekto sa akin.
“Kanina ko pa napapansin ang pagiging tahimik mo," sabi ni Kitty habang nasa classroom kami ng panghuli naming klase ngayon.
Maghapon kaming magkasama ni Kitty at sina Miguel at Mark ay magkasama rin. Hindi ko sinabi sa kaniya ang away namin ni Miguel pero siguro kung sasabihin ko sa kaniya ay baka may maisip siyang paraan na makakatulong sa akin.
"Nag-away kami ni Miguel," pag-amin ko sa kaniya at kita ko ang gula
