C H A N
“Kumusta, ‘teh? Nadiligan ka ba?”
Masama kong ibinaling ang tingin kay Kitty na nakangisi lang sa harapan ko. Nasa condo kaming dalawa dahil wala naman kaming maisip na dapat puntahan. At saka, malapit na rin ang finals at bakasyon na. Kaya magkasama kaming dalawa para makapag-study na rin.
“Napakahalay talaga niyang pag-iisip mo!” singhal ko rito at tumayo mula sa pagkakaupo sa sofa upang kumuha ng makakain sa kusina.
Wala rin dito si Miguel dahil may practice sila ngayon, may nalalapit din silang tournament kaya kailangan niyang mag-focus sa swimming. Exempted naman na raw sila sa exam kaya mas inabala nilang lahat ang sarili sa pag-eensayo.
“Nagtatanong lang naman kasi ako, Chan! Hindi raw kasi pumasok si Miguel kahapon sa practice nila kaya baka nag-ano kayo.” Tumawa pa
