"Halika ka kuya, pasok tayo," paanyaya ni Annika sa akin. Hinawakan nito ang isang daliri ko sa kamay upang igiya ako sa loob.
Madilim ang hagdan paibaba kaya medyo natatakot ako. Ayaw ko kasi sa madilim na lugar dahil mahihiluhin ako. Hindi ako makagalaw at nagdadalawang isip ako kung ihahakbang ko ba ang paa ko sa hagdan. Mahigpit akong pinagbawalan ni Nero na huwag na akong magtangka na sumunod pa sa kan'ya. Pero pagkakataon na rin namin ito upang mapadali kami sa aming misyon. Kailangan kong sumugal.
"Kuya?" tawag ni Annika sa akin. Nakatingala na pala siya at siguro ay nagtataka ito kung bakit ako napatulala.
"Sige, tara na?" tanong ko naman sa kan'ya. Pilit kong inaalis sa isip ko ang lahat ng negatibong mga bagay na kanina pa tumatakbo sa utak ko. Hindi ito ang tamang oras upa
