Chapter Six
Day 2
“Kumusta naman first day niyo, mga bakla?” tanong ni Charlyn sa mga kasama habang nag-aalmusal sila kinabukasan.
“Ang sweet ni Harry.” parang nangangarap na sabi ni Bianca.
“Ayos lang naman.” kibit-balikat na sabi ni Vian habang tinutusok ang hotdog. “Mali ang pagkakakilala ko sa kaniya.”
“Si Piolo rin, kahit na hindi ako masalita ay napa-kwento niya ako.” saad naman ni Leslie.
“Ako naman, funny si Benjie. Pareho kaming may sira.” natatawang sabi ni Charlyn.
Sabay-sabay silang napatingin sa tahimik na kumakaing si Jasmin.
“Ikaw, girl? ’Musta first day?” untag ni Bianca na siyang katabi ni Jasmin.
“Sisiw.” tipid niyang sagot.
“Pero parang ang dali nga ng first challenge ’no?” tanong ni Leslie.
“Ganern talaga ang first, pero ang mga susunod ay siguradong mahirap
