KINAGABIHAN ay dumating ang mga kapatid ni Drake upang sunduin sila ni Aqua. Isang
chopper ang nasa ’di-kalayuan.
“Ready?” bungad ni Josh sa kanila.
“Yes, K-Kuya Josh.” Hanggang ngayon ay naiilang pa rin siya na tawaging kuya ang kapatid.
Hindi pa rin siya makaalala kahit kaunti.
“Let’s go, brother. Naroon na ang kaibigan mo.”
Na-miss niya si Dante, ang kaisa-isang kasa-kasama niya sa Zamboanga. Parang kapatid na ang
turing niya rito.
Nang marating nila ang kinaroroonan ng chopper ay agad silang umakyat doon.
“Pare!” Mahigpit na nagyakap sina Dante at Drake. “Kumusta ka na, bro?”
“Okay na ba ang mga sugat mo?”
“Okay na ’ko. Salamat sa mga kapatid mo dahil hindi nila ’ko pinabayaan.”
Pasimple siyang siniko ni Dante saka inilapit ang bibig sa tainga niya. Maingay na ang chopper
