KINABUKASAN ay niyaya na ni Drake si Aqua na bumaba na sila ng tree house. At nang
tumango ito ay agad niya itong binuhat.
“Kaya ko naman maglakad, Drake. Kaya hindi mo ako kailangang buhatin.” mahinang protesta
ng dalaga.
“Baby, alam kong masakit pa ’yan at mahihirapan ka pa rin maglakad kaya mas mabuting
buhatin kita. Baka mahulog ka pa sa hagdan,” nakangiting ani Drake na ikinapula ng mukha nito.
Pagdating nila sa ibaba ay pumasok sila sa loob ng resthouse. Tumuloy sila sa loob ng kuwarto at
ibinaba ni Drake ang dalaga sa ibabaw ng malapad na kama.
“Baby, dito ka lang at magluluto ako ng almusal nating dalawa,” paalam niya kay Aqua habang
inaayos ang kumot nito sa katawan.
“Sige, i-ikaw ang bahala,” matipid nitong sagot sa kanya. Bago lumabas ng silid ay minsan pa
niyang hina
