MADELIN
He was silent the whole time. Mahigpit ang kapit niya sa manibela.
Diretso rin ang tingin niya sa kalsada.Kababakasan pa rin ng matinding inis o, galit ang mukha niya.
His jaw clenching. Nauumid tuloy ang dila ko kahit gusto ko siyang kausapin.
Pero dahil may inis at kirot pa rin akong nararamdaman mula sa sagutan namin kanina, ay mas pinili ko na lang din manahimik at ituon ang tingin sa bintana.
Nauna na kaming umuwi. Hindi niya ako napigilan kanina nang tumayo ako' t pagbigyan ang mapang-asar na hiling ni Ream.
Lalo na't nasundan ng buyo ng iba ang hiling nito.
"Sige na, Ate Made. Ang tagal na kaya no'ng huling duet n'yo ni kuya Rue." Panghihikayat din ni Bong.
"Kakanta na 'yan! Tatayo na 'yan!" ang sabay na buyo nila. I looked at Lannion pleading.
Napakagat labi
