Nahirapan akong lumunok habang pinagmamasdan ang dalagang mahimbing na natutulog. Ramdam ko ang namumuong luha sa gilid ng mga mata ko.
Hindi ko akalain na ganito kahirap sa akin ang iwanan ito.
Alas tres ng madaling araw ng mga oras na iyon. Hinaplos ko ang maamong mukha nito at marahang hinagkan sa noo at sa labi.
"I love you, baby. Babalik ako."
Tumingala ako at saka humugot ng buntong hininga. Isang sulyap pa bago ko nilisan ang kuwarto nito.
Ilang beses akong napabuga ng hangin. Pinipilit na mawala ang bigat na nararamdaman.
Hindi ko akalain na ganito ako magmamahal. Na halos hindi ko kayang iwan.
Sumeryoso ang mukha ko ng makita ang mga kasamahan kong agent.
"Huwag niyong pababayaan ang dalaga at ang pamilya nito. Kapag nagkaroon ng problema alam niyo kung anong kailan
