15
banig ng buhay
HINUGOT ni Antonio ang folder mula sa kanyang knapsack sa ilalim ng mesa. Tila nag-alangan pa siyang ilapag ang folder sa mesang iyon na malagkit sa mumo’t bakas ng
puwetan ng beer. “Eto ’yun. Minakinilya ko. Ilang araw ko ring pinagpuyatan . . .”
Dinampot iyon ng kausap niya. Sinuot nito ang reading glass niyang nakasukbit sa kamiseta. Linayo ang dokumento na akala mo’y sinisipat ang isang estrangherong kasayaw. Pinanood ni Antonio
kung paano dumausdos ang mga mata ng lalaki sa tekstong hawak niya, kumakabog ang kanyang dibdib. Para siyang naniningalang pugad, na pigil hiningang inaabangan ang reaksiyon ng sinusuyo, kahit na
alam niyang ang laman ng teksto’y hindi mga salitang bumubulong ng mga minatamis na diwa. Maniniwala kaya siya? Iyon ang paulit ulit niyang it
