16
ang mabuting salita
SA mess hall ng Shuttle nagtitipon ang grupo nina Alvin tuwing Huwebes ng gabi, alas otso. May mga iba sa kanilang dumarayo pa mula sa ibang site sa Sharjah, may mga
arkitekto’t nars, accountant, domestic helper, cashier, welder, janitor. Karamihan sa kanila’y mga mag-aasawa, parang Couples for Christ. Huwebes nila ito ginagawa dahil tamang tama
’yung araw na ’yun. Dahil pag pumatak na ang Biyernes, karamiha’y wala munang trabaho’t mahaba ang pahinga ng mga tao. Ngayong gabi, bagamat malinis na ang mga mesa’t
nailigpit na ang mga pinagkainan, naaamoy pa rin nila ang sawsawang patis at pilik ng isda. Malamlam ang mga ilaw na fluorescent, may isang kanina pa pumipikit pikit at tila malapit nang mapundi.
Nakaayos ang mga upuan na paikot. Marami sa kanila ang namam
