17
si treb
“O may kontrata na naman tayo,” annunsiyo ni Mitoy sa kanyang mga manggagawa. Malapad ang ngiti nito, gayundin ang asawa.
“Mukhang na-impress sa ’yo Treb, ha? Ikaw ang rinerequest,” sabi ni Veronica.
Tumingin ang lahat ng mga manggagawa kay Treb. Nakangiti lang ito.
“’Yan ang gusto ko kay Treb e. Kahit purihin mo pa siya sa harap ng maraming tao, parang wala lang.”
“A chuuu . . .” bulong ni Alvin.
“Hindi gaya ng iba diyan . . . walang kusang palo. Kailangan pang umasa. Naghihintay pa ng biyaya.” Nakatingin si Veronica kay Alvin, hinuhuli nito ang mga mata.
“E kaya naman umaasa ang ibang tao sa iba kasi may nangsapaw. Sa kanila. Kahit noon pa.”
“Tila hindi na yata ang kontrata ang inyong pinag-uusapan diyan,” singit ni Antonio.
“Oo nga, e.” Sang-ayon ni Mitoy.
Humirit
