37
backjob
ALAS dos y medya ay hindi pa nila tapos ang trabaho. Naayos na nila ang electrical, hindi nila mapalamig ang buga ng aircon. Kanina pa nagpahinga ang inhinyerong dayuhan. Inalok
sila nito ng libreng beer basta’t tapusin lang nila ang trabaho.
“Chief, what will we write in the service report?”
“It’s an open house. I’ll sign my name as long as you finish the job at hand,” sabi nito. Kinalkal na nila ang laman ng dambuhalang ref. Naglabas na sila ng sari-saring
coldcuts na pinulutan nila sa higit isang dosenang lata ng Heinneken.
“Putang-inang aircon ito. Hindi pa natin madecipher. Bakit ayaw lumamig? Bago naman ang filter, pati expansion bulb. Ihagis na lang kaya natin sa dagat,” biro ni
Antonio.
“Kung nagkataon, hindi tayo puwedeng umuwi hangga’t sira ’yan. Ayaw ko nang
