(( عد تنازلى ))
_ الفصل العاشر _
فتحت ورد الباب بتلهف فوجدته يهتف بوجه قلق :
_ ايه ياورد انتى كويسة .. فى حاجة أتصلتى بيا وجبتينى على ملى وشى كده ليه ؟!
إبتسمت له برقة وهى تغمغم بهدوء لتفسح له الطريق بالدخول :
_ لا مفيش حاجة متقلقش .. ادخل يانديم عايزة اتكلم معاك شوية !
دلف الى الداخل ليجلس على أحد المقاعد المُتوسطة فى أحد أركان " الصالون " .. أقتربت هى وجذبت مقعد وجلست بجوراه وهى تتمتم بوجه مُخزى :
_ انا عارفة انك شايل منى وماخد على خاطرك منى ، بس صدقنى خبيت عنك غصب عنى يانديم
تن*د بقوة وهو يهتف بأزدراء :
_ دى حاجة متتخباش ياورد فاهمة يعنى ايه ! .. لو كان زمانك قولتيلى يمكن ده مكنش حصل ومكنتيش اتجوزتى المخفى ده !
تتفست الصعداء بتمهل لتجيبه بنظرات متوعدة :
_ انا كده كده هطلق منه يانديم غصب عنه او برضاه !
اتكأ للامام قليلاً وهو يستند بساعديه على ساقيه ليمسح وجهه بتأفف
