“Maawa naman po kayo. Magbabayad naman po ako—”
“Kailan pa? Dalawang buwan ka nang hindi nagbabayad ng renta mo at nagamit mo na rin ang deposito mo. Kukuha-kuha ng apartment hindi naman pala kayang magbayad!”
“Ibebenta ko po ang mga damit ko para makabayad ako sa inyo.”
“Gawin mo kung ano’ng gusto mo pero pag hindi ka pa nakapagbayad sa susunod na linggo, pasensiyahan na lang tayo. Naiintindihan kong buntis ka, pero hindi ko na iyon problema. Lalandi-landi, hindi naman pala kaya. Kaya maraming bata ang pakalat-kalat sa lansangan dahil sa mga kabataang tulad mo. Hmp!”
Tiningnan pa siya ng landlady niya na puno ng panghuhugsa bago ito umalis sa inuupahan siya.
Tama naman ito, lumandi siya at mukhang hindi pala talaga niya kayang panindigan ang pagiging responsableng ina.
Ang sak
