Mharimar's POV
"Lola, gusto niyo po ba ng prutas? Ipagbabalat ko kayo ng mansanas." hindi pa man nakasagot si Lola ay tumayo na ako para lumapit sa table. Magbabalat ako ng mansanas.
Naiwan kasi kaming dalawa dito sa patient room niya dahil nakiusap siya sa pamilya niyang iwan muna kaming dalawa.
Hanggang ngayon hindi pa rin ako makapaniwalang, Apo niya si Mr. Jill. Ibang-iba sa ugali niya at isa pa, simple lang ang suot ni Lola, hindi mo mahahalatang sobrang yaman niya pala.
Pagkatapos kong magbalat ng mansanas ay lumapit na ulit ako sa kaniya. Dala dala ko ang binalatan kong mansanas.
"Lola, matagal na ho tayong nag-uusap pero hindi ko pa rin nalalaman ang pangalan niyo. Ano po bang pangalan niyo?"
"Maria, iha." tipid na sagot niya.
"Lola Maria." nakangiti naman na sambit k
