PIGIL HININGA sila habang labis ang pag-aalala para kay Geofferson. Hindi nila alam kung ano ba ang nangyayari ngunit pinakiramdaman pa rin nila ang sasabihin ni Mang Agustin.
"Hindi n'yo kailangang mag-alala. Buhay pa siya," sinserong anito na nagpabuntong hininga sa kanila. Gayundin naman sa sumunod na sinabi ng matanda, "Nagpapahinga lamang ang kaniyang katawan sapagkat matagal na panahong hindi nito naranasan ang pagbabagong dumating sa kaniya."
"So, does it mean na hahayaan na lang muna natin siyang ganiyan?"
Bahagyang napatango si Mang Agustin. At doo'y sandaling naalala ni Madison ang sinabi nito kanina. "Pero, totoo po bang babalik talaga ang kulam sa mismong gumawa nito sa kaniya?"
"Oo, hija. Iyon ang tinatawag na kapangyarihan ng karma. Dahil anuman ang ginawa mo sa iyong ka
