Haplos ko ang aking malaking tiyan, kabuwanan ko na ngayon, hinihintay na lang namin na lumabas ang sanggol na nasa loob ng aking tiyan. Nadito kami ngayon sa dalampasigan ng isa sa resort na pag-aari ng pamilya ng aking asawa, dito sa Palawan kung saan nagsimula ang aming pagkakaibigan.
Nakakatuwa isipin na sa taon ng pagsasama namin ni Fran, ni minsan ay hindi niya ako sinaktan sa emosyon o pisikal man. Palagi niya akong iniintindi kaya minsan ay naiinis na rin ako dahil sobrang bait niya. Sabi ng anak ko na si Cataliya, nakakatakot daw magalit ang aking asawa, medyo napaisip nga ako dahil kahit minsan hindi ko siya nakita na magalit o kahit sumimangot man lang sa akin. Laging mahinahon sa akin ito at malambing.
“Mommy! Halika dito! Swimming tayo!.”
Sigaw ni Cataliya habang kinukuli
