Nagising ang dalaga na nakasandig lamang sa pader. Kaagad na tumayo siya at binuksan ang kwarto ng binata. Tumulo ang luha niya nang makitang wala na ang binata sa loob. Lumabas siya at tinupi ang bed sheet na sigurado siyang inilagay ng binata sa kaniya bago ito umalis. Inayos niya ang kaniyang sarili at suminghot.
"I'm sorry," mahinang ani niya.
Umupo pa siya sa terrace ng condo at hinayaan ang sariling lunurin ng lungkot. Mga bandang alas diyes ay umuwi na siya sa kanila. Mugto ang mga mata at lugmok na lugmok. Kaagad na pumasok siya sa kwarto niya, mabuti na lamang at na sa kusina ang Mommy at Daddy niya. Napahiga siya at ipinikit ang mga mata. Hinayaan niyang umagos ang luha niya dahil sa sakit. Pagod na bumangon siya at pumasok sa loob ng banyo niya at hinayaan ang malamig na tub
