Maagang nagising si Alorna kinabukasan. Banayad ang sikat ng araw na pumapasok sa malalapad na bintana ng kanyang kuwarto at umadampi sa mamahaling kurtinang kulay ginto.
Sa ibabaw ng kama, maingat niyang isinantabi ang laptop na nakatulugan niyang nakabukas kagabi. Kailangan niyang maging handa sa malaking event ng Beauty and Carry Company ngayong araw.
Habang nagsisipilyo, sumulyap siya sa salamin. Nandoon pa rin ang confidence na inaasam ng marami.
Matangos na ilong, mapupulang labi at balat na walang kapintasan. Pero siya lang ang nakakaalam na sa likod nito may bahagyang kirot pa rin sa dibdib.
'Hindi ngayon… hindi sa araw na ito,' bulong niya sa sarili.
Sa ibaba sinalubong siya ng amoy ng bagong lutong croissant mula sa kusina.
“Good morning, ma’am,” bati ng kanyang kasambahay
