Para na talaga akong hihimatayin. Nahirapan talaga akong sagutin. Pero hindi ako nagpahalata.
Buong higpit kong hinawakan ang mikropono at ngumiti nang pagkatamis-tamis. Kumaway pa ako sa aking mga fans kaya nagsigawan sila at nagpakita ng suporta.
"Go Garlic! Kaya mo 'yan!"
Lumunok muna ako bago sumagot. Nakita ko na si Tiya Sonita na kumaway sa akin kaya nabuhayan ako ng loob. Pati na rin sina Nanay Sofie, Ate Sparkle at Ate Pepsi ay kumaway na sa akin kaya lalo akong nakaramdam ng tibay ng loob.
"Thank you Miss for the question. This is the answer. Wala naman pong problema sa akin, kung ipapagawa niya po ang kaniyang trabaho kung kinakailangan. Gagawin ko po ito nang buong husay na walang reklamo kahit hindi ito inatasang trabaho para sa akin. Hindi naman po porke't hindi ko trabaho
