Lumabas saglit si Atoy. Hindi na siya nakapagpaalam sa akin. Napaupo naman ako sa plastic na upuan. Tiningnan ko ang mga kasamahan ko sa kabilang sulok. Bawat kontestant kasi ay may makapal na plastik na tila divider sa maluwang na kuwarto para magkaroon ng pribado ang bawat kalahok.
Lahat sila ay nakabihis na. Ang gaganda pa ng kanilang costume. Kung hindi lang sana nasira ang costume ko, talagang maganda iyon at bagay na bagay sa balingkinitan kong katawan.
"Naku, nasaan na ba si Atoy?" Nababahala na ako. Humarap ako sa malaking salamin. Inayos ko na lamang ang aking sarili. Rinig ko pa ang katuwaan ng ibang katunggali. Handang-handa na sila.
"Sino ba naman ang may kagagawan ng pagsira ng costume ko? Alangan namang si Nanay Sofie. Hindi kaya si...Barbara? Naku, malaki ang galit ng b
