Sa hospital ako kaagad dumeretso. Nagtanong-tanong ako sa information desk. Palinga-linga rin ako dahil malaki na rin ang pagbabago sa district hospital. Ang huling punta ko rito ay noong nakaratay dito si Inay Consing. Naalala ko pa ang sinabi ko noon sa mga tao na baka nakalulon ng colon si Inay kasi iyon ang ikinamatay niya, colon cancer. Wala talaga akong kamuwang-muwang sa mga nangyayari sa aking paligid. Sa huli, nalaman ko rin pala kung ano ang ibig sabihin ng colon cancer. Isa pala itong sakit at hindi literal na nakalulon ng colon. Iba nga talaga kapag may pinag-aralan dahil marami kang matutuhan at hindi ka basta-basta alipustahin ng ibang tao.
Palinga-linga pa ako sa buong kabuuan ng hospital. Nagkita kami kaagad ni Ate Aying nang makapasok na ako sa emergency room. Nagkayakapa
