Garlic' s POV
Gusto kong maging masaya kahit saglit lalo na at nakabalik na si Atoy sa mansion.
Makalipas ang dalawang araw ay naging abala ang mga tao sa mansion. Maaga kaming nagising. Naglinis ako ng sala kasama si Ate Sparkle. Abala rin sa kusina sina Ate Royal kasama si Ate RC. Lumabas naman mula sa kusina sina Nanay Sofie at Ate Pepsi.
"Magandang umaga po, Nay at mga Ate. Saan ba ang lakad ninyo at tila nakabihis kayo?" tanong ko sa kanila.
"Magandang umaga naman, Garlic. Pupunta muna kami ni Pepsi sa palengke, may bibilhin kaming mga lulutuin," sagot naman ni Nay Sofie.
"Hindi ba noong nakaraang araw eh, namalengke rin sina Ate Royal at Ate RC? Ubos na po ba ang lulutuing pagkain?" muli kong tanong.
Lumapit siya sa akin at may ibinulong. "Birthday ngayon ni Atoy, sosorpresahin
