Dali-dali akong binuhat ni Mang Menudo kasabay ni Mang Karding. Dinala nila ako kaagad sa pinakamalapit na hospital. Tinawagan din ni Nay Sofie si Atoy kaya nalaman niya kaagad ang nangyari sa akin.
Naramdaman kong naninigas ang aking tiyan. Hinimas ko ito at nag-usal ng dagliang dasal. Kinausap ko rin ang aking anak.
"B-baby kumapit lang, ha. Huwag kang bibitaw, nandito lang ako para sa iyo. Huwag kang bibitaw, please."
Umiiyak na rin sina Ate Sparkle sa naging kalagayan ko. Mabuti na lamang at nadala ako kaagad sa hospital. Ilang saglit lang din ay nariyan na si Doctor Keratin. Nakontak din siya kaagad ni Atoy. Nasa emergency room pa ako nang mapang-abot kami ni Atoy. Hapong-hapo siya nang lumapit sa akin.
"A-ano ba ang nangyari, ha? O-okay ka lang ba, Garlic? Lumaban ka, kayo ni Ba
