"WELCOME back, Akira!"
Napangiti ako nang pagpasok ng locker room ay iyon ang salubong sa akin ni Rosa.
"Thank you."
Ngumiti lang siya sa sinabi ko. Tinungo ko naman ang locker at binuksan ito para ilagay na ang mga gamit ko. Pero nang ang phone ko na ang ilalagay ko, saglit akong tumigil at mabilis na nagtipa ng mensahe para kay Curse, ipinapaalam sa kanyang nandito na ako sa trabaho at iiwan ko ang phone sa locker.
"Blooming ka, a."
Bahagya akong nabigla nang marinig ko ang boses ni Rosa na nasa likuran ko lang pala. Mabilis na inilagay ko ang phone sa locker at isinara na ito bago siya hinarap.
"Hindi naman," tanggi ko.
Napatitig ako sa kanya nang magkaroon ng nanunuksong ngiti ang labi niya.
"Nga pala, may gusto akong itanong sa 'yo. Noong nagkita tayo sa office, gusto ko nang
