KISHA'S POV
Nang matapos kong magbihis ay lumabas na ako ng kwarto dahil pakiramdam ko, hindi talaga nagluluto si Renzo kundi nagbabasag siya ng mga gamit ko. Rinig na rinig ko pa rin ang malakas na bagsakan ng mga gamit ko sa kusina.
Pero nasa hagdan pa lang ako ay may naaamoy na akong sunog kaya mabilis akong bumaba. Kulang na lang ay talunin ko ang second floor pababa.
Pagbaba ko ay sumalubong na agad sa akin ang usok.
Tumakbo ako patungo sa kusina at mabilis kong kinuha ang fire extinguisher saka ko tinutok sa stove. Dahilan para mamatay ang apoy. Saka ko pinatay ang stove.
Narinig kong umuubo si Renzo habang tinataboy ng kamay niya ang usok. Tumingin ako sa kulay itim na nasa frying fan. Hindi ko na alam kung ano iyon dahil sunog na sunog na pero dahil mga pahaba, siguro ay hotdo
