KISHA'S POV
Nakapagpalit na ng damit si Renzo. Hindi na ang damit ko ang suot niya ngayon. Maayos na ulit ang hitsura niya. Naka-t-shirt na white, maong na pantalon at black jacket. Kahit simple lang ang suot niya, may dating siya. Maliban sa pag-aartista ay nagmo-model din siya minsan kaya marunong talaga siya magdala ng damit. Idagdag pang umaapaw ang confidence niya sa katawan.
Matapos makuha ni Nate ang lahat ng maleta niya ay lumabas na rin kami ng condo niya. Talagang dinala niya ang lahat ng iyon. Pero ayaw ko nang makipagtalo sa kaniya kaya hinayaan ko na lang. Bahala siyang mag-ayos noon mamaya pagdating sa bahay.
Nakasuot pa rin siya ng sombrero para hindi masyadong makita ang mukha niya at may face mask. May pasa kasi siya sa mukha kaya tinatago niya kung sakaling may makakit
