“Talaga? Oh, my gosh! Ang suwerte mo naman, girl! Baka puwede mong itanong kung bet niya na dalawa na lang tayong assistant niya? Kahit wala na akong allowance basta full scholarship grant din!” hindi makapaniwalang bulalas ni Jonalyn. Natawa naman ako sa kaniya.
“Why not, ‘di ba? Itatanong ko kapag nagkausap na kami ulit. Sa ngayon ay sasabihin ko muna sa Nanay at Tatay ko ang tungkol dito,” kunwa’y sabi ko. Pero ang opinyon lang naman ni Hendrick ang mas mahalaga sa akin bago ko tuluyang tanggapin ang offer ni President.
“Siguradong matutuwa ang mga magulang mo. Hoy, balita ko maganda sa Camiguin, ipasyal mo naman ako doon sa bakasyon. Gusto kong makilala ang pamilya mo,” excited na sambit ni Jonalyn. Kumislot naman ang puso ko dahil puwedeng-puwede naman iyon. Siguradong mabibigla lan
