Naramdaman kong dumampi ang init sa aking balat na nagmumula sa sinag ng araw.
Idinilat ko ang aking mga mata at biglang napabangon nang maalalang kasama ko pa nga pala si Rey sa loob ng kwarto na 'yon.
Nakahinga naman ako ng maluwang nang paglinga ko sa sahig kung saan ito natulog ay wala na siya roon.
“Hay salamat, mabuti naman at umalis na siya,” bulong ko sa sarili at idinipa ang aking mga braso sabay hikab.
Biglang bumukas ang pinto at pumasok mula roon si Rey na may dala-dalang tray ng pagkain.
Napansin kong umuusok-usok pa ang bowl na laman niyon.
“Good morning!” nakangiting bati niya sa’kin.
“Good morning!” ganting bati ko rin sa kaniya sa matamlay na boses.
“Masama ba pakiramdam mo?” tanong niya at mabilis na lumapit sa'kin sa kama.
Isinapo niya ang kaniyang palad sa akin
