Nang makita namin ni Julie ang w*l*ngh*yang si Angel na nagmamadali sa paglalakad buhat sa trabaho ay sinundan namin ito.
Pumasok ito sa isang fastfood at nakita naming nilapitan niya ang isang lalaking payat at maitim na nakaupo sa mesa.
Parang adik ang itsura ng lalaki at ang mas nakakagulat ay hinalikan pa ito ni Angel sa labi.
“Eeww! Ang cheap niya talaga!” nandidiring sabi ni Julie at umakto pa itong masuka-suka.
“Alamin mo nga kung anong baho ng w*l*ngh*yang ‘yan,” utos ko kay Julie.
Tumango naman ito sa'kin bilang tugon. Kinuha niya ang cellphone at tinawagan si Santos upang iutos dito ang inutos ko sa kaniya.
“Para lang siyang China phone, nakakaakit ang itsura pero mababa ang quality. Tsk!” Naiiling na sabi ko.
“Sadyang cheap lang talaga siya kamo,” tugon naman ni Julie.
