Ginamit ni Laila ang natitirang katinuan sa kaniyang isip at lakas para maitulak palayo sa kaniya ang lango sa alak na si Tristan.
Napahakbang ito paatras ng tatlong beses. Samantala, napatingin naman siya sa direksyon ng sala kung nasaan ang kaniyang asawa.
Nang masigurado niya na hindi sila nakita ni Vincent ay pinandilatan niya ng mga mata ang lalaking wala sa wisyo.
"Anong naisip mo, bakit mo ginawa 'yon?! Gusto mo ba talaga kaming masira na mag-asawa?!" pabulong na tanong niya kay Tristan. Nagkikiskisan ang kaniyang mga bagang sa galit.
Ngunit sa halip na bumalik ito sa katinuan ay pagak itong natawa kaya naman lalong nagusot ang kaniyang mukha.
"M-Matagal nang sira ang relasyon niyo, Laila! I-Ikaw lang itong si tanga na umaasa pa na maaayos pa. B-Bakit hindi mo pa iwanan ang
