Nagkakaroon ng hindi magandang kutob si Martin. "Rita, saan kayo pupunta? Aalis ba kayo?"
"Kung aalis man kami, wala ka na doon." Malamig na sagot ni Rita.
"Pero... hindi mo puwedeng ilayo ang anak ko."
"At bakit hindi? Ako ang ina n'ya kaya ako ang masusunod kung saan ko s'ya gustong dalhin."
"Pero anak ko rin s'ya, ako ang ama n'ya kaya may karapatan din ako sa kanya."
Hindi na nakatiis si Anthony. "Ang kapal din naman ng mukha mong sabihin yan, ano, matapos mong ipagtabuyan ang ate ko nang mabuntis mo s'ya? At ang lakas din ng loob mong magpunta pa dito, ha. Kung alam ko lang na ikaw yung nakita ko sa airport, sana doon pa lang ay sinapak na kita."
"Um..." Naalala din ni Martin si Anthony bilang tiyuhin ni Sophia. "P-pasensya na, alam kong mali ang ginawa ko sa ate
