HINDI alam ni Andy kung dapat ba siya maging masaya na sa wakas ay pumayag din si Stanley sa break up nila, o dapat siyang matakot dahil sa huli nitong sinabi na para bang nagbabanta.
Pero dahil sa pangako ni Dreco sa kaniya na hindi siya nito hahayaan na mapahamak, kahit papaano ay medyo nakampanti naman siya.
Nakapag-enroll na rin siya sa school sa kursong BS Architecture. Hindi sana ’yon ang gusto niyang kurso, pero ’yon ang pinakuha sa kaniya ni Senyora Felia, kaya naman sinunod na lang niya.
Sa kaniyang pagpasok sa school ay tinupad naman ni Dreco ang pangako nito sa kaniya, dahil kinuhanan siya nito ng tatlong bodyguard; ang isa ay kasa-kasama niya at nagsisilbing driver, habang ang dalawa naman ay lihim na nagbabantay.
Wala naman nangyaring kakaiba sa first week niyang pagpasok
