DAHIL sa mga napanood na video ni Stanley ay parang nagbago bigla ang nararamdaman ni Andy sa kasintahan. Nakaramdam na siya ng takot dito, at kung maaari ay ayaw na niya itong makita pa. Natatakot siya na baka isang araw ay siya naman ang itulad sa mga babaeng pinatay nito. Kaya ngayon ay napapaisip na siya kung paano na makatakas sa kaniyang sitwasyon. Paano na kapag nagkita sila muli ni Stanley? Ano na ang sasabihin niya rito? Paano niya na ito pakikitunguhan katulad dati? Paano na siya makikipag-break dito? Magagalit kaya ito kapag nakipag-break siya? Talagang natatakot siya sa mga posibleng mangyari.
Gusto niyang sisihin ang sarili niya. Dapat nung una pa lang ay hindi na siya pumayag na maging girlfriend nito, hindi sana siya napunta sa ganitong sitwasyon.
Ngayon ay mas naniniwala
