Kanina pa nakatitig si Georgia sa screen ng laptop ni Hector. Hindi siya makatulog kaya't naisipan niyang bumaba sa opisina nito at mag-scroll sa internet. Tatlong araw na siya dito sa Batangas, kung anumang bayan ito ay hindi niya alam. Panatag naman ang loob niya dahil kasama niya si Hector.
Matagal na panahon na rin siyang nagtatago sa mga tao mula nang ipahiya siya ni Lolita sa harap ng mga reporters at mga bisita sa charity ball ni Justine. Tinakasan niya ang kahihiyan. Wala na siyang alam sa kung ano ang nangyayari ngayon sa labas at kung ano ang opinyon ng mga tao sa kanya. Pero hindi puwedeng ganoon siya sa habang panahon. Isang araw ay kailangan niya ring harapin ang tinakasan niyang problema.
Binuksan niya ang internet at sinubukan niyang basahin ang mga articles na lumabas tu
