Alam ni Georgia na kasalanan niya na kung gumanti siya sa halik ni Hector. Annulled na ang kasal nito at isa itong normal na lalaki na nagnanasa sa isang tulad niya. Siya ang may-asawa ngayon at siya dapat ang umiiwas sa tukso. Pero mahirap kalabanin ang damdamin matapos angkinin ni Hector ang mga labi niya at paglandasin ang mainit nitong kamay sa likod niya.
Nakailang ulit nitong ginalugad ang bibig niya at ilang ulit din siyang sumabay sa kilos ng dila nito. Tila sila magkasintahan na hindi nagkita ng matagal na panahon. Pareho silang uhaw sa isa't isa. Isang halik lang pala ni Hector ang hinintay niya para kumawala ang lahat ng pagtitimpi niya sa panunukso nito. Gusto niyang kalimutan na ikinasal siya kay Justine. Gusto niyang bumigay nang tuluyan at magpaangkin ulit sa lalaki
