Busy si Abram sa work n'ya. Dumating din 'yong secretary n'ya kaya naman lumabas na muna ako ng library.
Dito ako napadpad sa kusina. Pinanonood ang mga kasambahay na parang aligaga dahil sa presensya ko.
"Ako lang po ito, oo maganda ako, pero relax lang po kayo." Panunudyo ko sa mga ito.
"Paano kami mare-relax? Ikaw Ang future reyna ng mansion na ito. Paano kung hindi mo nagustuhan ang serbisyo namin? Kinakabahan kami, hija." Malakas ang naging tawa ko sa sinabi ng ginang.
"Hala, si Manang. Para ka namang others n'yan, eh. 'Wag kayong mag-alala, walang ganoon na mangyayari. Sa bahay nga namin mas mahal ko pa ang kasambahay kaysa sa Kuya kong pangit, eh."
"Pangit?" sabay-sabay pang tanong ng mga ito.
"Oo."
"Naku! Ipa-check up mo na 'yang mata mo, ineng. Lumalabo na yata. Ako ng
