بين الشرق والغرب بقلم آية العربي

بسم الله ولا حول ولا قوة الا بالله العلى العظيم بت يا هنادى ....يوووو ...انتى يا بتى ...هتتاخرى عاد على امتحانك ...قومى يابتى يالا _شوية كمان والنبي يا ماما هى الساعة كام _الساعة 7 يا مضروبة هتجومى عاد ولا نديلك ابوكى _لاء وعلى ايه يا ست الكل صباح الخير _صباح الفل والياسمين على اجمل عيون فى مصر كلياتها هنادى بضحكة لمغازلة والدتها بها قائلة _والنبي انتى اللى عسل يا صفصف ودمك زى السكر صفاء بغيظ _يوووه يا هنادى عليكى ولا دلعك عاد يا يابتى ابوكى جاعد برة بيطج شرار خرجت والدتها ودخلت هنادى المرحاض الملحق بغرفتها اغتسلت وتوضأت وادت فرضها وابدلت ملابسها بجيب طويل كشميري وبلوز رقيق اوف وايت وحجاب يمزج بين اللونين وخرجت اتجهت الى والدها تقبل يده قائلة بحب وبلغة صعيدية _صباح الخير على عيونك يا بوى عتمان بابتسامه _صباح الخير على اجمل بنية فى المحروسة كلياتها جلست هنادى مع والديها تتناول الفطار وبعد الانتهاء وفقت تودعهم قائلة _ بعد اذنك يا والدى انى راحة الجامعة سلام ياست الكل ..ادعولى ... استوقفها عتمان قائلا بنبرة صارمة _استنى هنه انتى راحة اكدة نظرت لنفسها فى المراة المعلقة بجانب الباب وقالت_ وه مالى يا بوى مانى جمر اهو ضحك عليها قائلا _مانى خابر انك جمر بس انتى ناسيتى المعلوم خبطت راسها بكفها وجرت عليه تحتضنه وتقبله على وجنتيه قائلة باعتزار _ حجك عليا يا بوى الامتحان واكل عجلى يالا سلام لوحت لهم بيدها وانطلقت الى الجامعة بعد قليل نزلت هنادى من سيارة الاجرة امام باب الجامعة فهى ف السنة الاخيرة من كلية العلوم السياحية ... تقابلت مع صديقتها سارة ورحبوا ببعضهم واتجوا للمدرج ... ___________ فى منزل عتمان بعد نزول هنادى جلست صفاء مع زوجها تسأله بقلق _مالك يا حاج عتمان بالك مشغول بايه عاد تن*د عتمان بعتب قائلا _خايف على هنادى يا ام هنادى انتى خابرة زين ان ابوى واخواتى معايحبوهاش واصل ...وخصوصا بعد ما هملت دار ابوى وجيت هنا علشانها وعلشان علامها بجوا شايفين انى مدلعها وانها بجت زى بنات البندر وكدة هتسوج سمعت العيلة ربتت صفاء على كتفه قائلة _اطمن يا حاج هنادى جدعة وبميت راجل واهى هتخلص اهى وتبجى مرشدة سياحية جد الدنيا .. عتمان بقلق _انى خابر انها جدعة وواثج فيها بس مش واثج فى اخواتى ولا ولادهم ..مش كفاية كلوا ورثي وخدوو ...دول ممكن ياذوها كومان ارتعبت صفاء من فكرة اصابة ابنتها بمكروه وظلت تفكر فى حل. يخرجها من هذه المأذق .. ___________ فى الجامعة كانت هنادى وسارة انتها من اخر اختبار السنة الاخيرة من دارستهم قالت هنادى لسارة _يااااه يا سارة اخيرا خلصنا كدة بقا اقدر انام براحتى ولما النتيجة تطلع اشوف هعمل ايه سارة بتاييد _معاكى حق يا بت يا هنادى ده كان هم وانزاح يالا بقا اسيبك علشان ماما متقلقش عليا هنادى برفض واغراء _لاء تعالى معايا ..دا ماما عاملة النهاردة ورق عنب وبط وايه بقا ليلة سارة وهى تبتلع ريقها _ورق عنب وبط امم طايب انا راشقة معاكى بس استنى لما اتصل على امى اعرفها __________ فى الجانب الاخر من العالم وبالتحديد فى الدولة الاوربية (اوكرانيا ) يستيقظ جوزيف على رنين هاتفه يعلن اتصالا من محامى المرحوم والده الاستاذ عمر قائلا باللغة الانجليزية _صباح الخير مستر جوزيف هل فكرت فى العرض الذي قدمته لك امس تن*د جوزيف قائلا _اجل سيد عمر ساخد القرار اليوم واهاتفك ..واغلق فى وجه قام من سريره وفى طريقه للحمام كانت الارض ممتلئة بزجاجات المشروب الفارغة واكياس النقانق والفوضى تعم المكان .... اغتسل وابدل ثيابه بثياب شاب غربي عبارة عن بنطال جينز مقطع وتى شي شيرت واسع مثل مغنى الراب ... خرج وجد والدته تتابع التلفاز فجلس على الاريكة بجوارها قائلا _لقد هاتفنى المدعو عمر ويريد منى قرارى فى عرضه كريستين بتكبر _وماذا قررت جوزيف جوزيف وهو يرجع للوراء _ ساسافر امى واخد ميراثي ومستحقاتى فهاذا حقى كريستين بضيق _ولكنى اكره هذا البلد جوزيف ف*جالها يعاملون المرأة على انها خادمة ليس لها راي ولا سلطة حتى والدك دائما كان يريد كبت حريتى بحجة الدين ولكنى دايما كنت اقف له واشكر الرب انك لم ترثه فى اطباعه المتحكمة هذه جوزيف بملل _امى انا سوف اسافر هذا البلد لاخد حقى ليس للتنزه فيها والتعرف على شعبها وسوف اعود سريعا حين استرده وليس لى علاقة باى احد هناك كريستين متساءله _وماذا ستفعل مع ابناء عمك هم من نفس الفصيلة جوزيف بتكبر وغرور _لا يهمنى من هم ولا ان اتعرف عليهم كل ما هنالك اننى ذاهب فى امر وساعود على الفور لا تقلقى كريستين باقتناع _ok جوزيف اتمنى ان لا تختلط مع احد هناك ___________ وصلت هنادى وسارة الى منزل الاولى ..استقبلتهم صفاء بترحاب قائلة _يالا غسلوا يدكم وتعالو الوكل جاهز اتجها الجميع الى ااسفرة المعدة بشكل رائع تحمل ما لذ وطاب من كرم الصعيد قال عتمان محدثا ابنته _ها يا بتى الامتحان كان زين اومات هنادى وهى تضع فى فمها اصبع من ورق العنب قائلة _زين جوى يا بوى اطمن بتك تفوت ف الحديد ضحك عليها وقال لسارة _كلى يا بتى انى كومان ولا م**وفة مننا عاد اجابت سارة بخجل _لاء عمى والله حضرتك فى مقام بابا الله يرحمه وطنط كمان زى ماما .. تناولوا غداءهم ولملمت هنادى السفرة بمساعدة سارة وبعد ذلك اتجه الفتاتان الى غرفة هنادى قالت سارة لهنادى _يعنى انتى من رايك اوافق يا هنادى ولا اعمل ايه هنادى بتريس _يابنتى توافقى ازاى ترتبطى بواحد مشفتوهوش خالص لاء طبعا يا سارة سارة بحيرة _اومال اعمل ايه بس وماما ضاغطة عليا هنادى بحنية ورقة _طب تحبي اخلى ماما تتكلم معاها سارة بفرحة _بجد يا هنادى ...يارييت هنادى _خلاص انا هكلم ماما فى الموضوع واخليها تكلم طنط عفاف سارة مغيرة الموضوع _سيبك بقا منى وقوليلي بقا ناوية على اييه هنادى بتفكير _بفكر اقدم فى شركة عمى مدحت صاحب بابا انتى عارفة ان هو عنده شركه سياحة كبيرة ومعروفة . سارة بغمزة _ايوة يا عم ناس ليها واسطة وناس ليها ورق عنب ضحكت هنادى وكذلك سارة وحاولوا تسلية وقتهم بجميع الاشكال المسموحة ... ___________ فى محافظة نجع حمادى فى بيت تراثي قديم وكبير تسكن عائلة الحاج عوف العزازى والد عتمان تكلم عوف الذي يشيب شعره ويملء وجه التجاعيد ويبدو عليه الصرامة والقسوة _هتعمل ايه يا منصور مع بت اخوك عتمان ...البت دى جابتلنا العار ولازم نخلصوا منيها منصور بغضب وظلم _معاك حج يا بوي وده كلياته بسبب اخوى هو اللى دلعها وركبها علينا بس اطمن يا بوي هتسمع خبرها جريب ...جريب جوى __________ فى مطار القاهرة الدولى نزل من الطائرة بكل تكبر وغرور وهو يرى اعجاب الكل بهيئته وكانه من كوكب أخر انتهت الاجراءات سريعا وخرج وجد المحامى عمر الذي اتى لاستقباله قائلا بلغته_ نورت مصر مستر جوزيف تفضل لم يرد عليه وركب السيارة بكل غرور تحت انظار عمر الغاضب من هذه الشخصية المستهترة يتبع .. تصويت ??