NILINIS ng babaeng paramedic ang dugo sa ilong ni Bryle habang hawak niya ang ice pack na nakalapat sa nose bridge niya na siyang tinamaan ng suntok ni Zayne kanina.
Nakaupo siya noon sa likuran ng nakabukas na ambulansya. Sa paligid ay abala sa mga tauhan ni Zayne na kasamang natiklo ang napili at naatasang mga pulis na makipagtulungan sa E.H.I.A.
"Doon," narinig niyang paasik na wika ng isa sa mga taga E.H.I.A sa dalawa sa mga tauhan ni Zayne habang nakaturo sa container van na pag-aari mismo ng sindikatong ito at ginagamit sa transportasiyon ng mga illegal na kargamento.
"Nakadarama ka ba ng pagkahilo o pananakit ng ulo?" tanong pa ng paramedic na ito sa ikatlong pagkakataon kaya napatingin siya dito.
At gaya kanina ay iling lamang ang isinagot niya.
"Sige, maiwan muna kita dito.
