"ETHAN!"
Narinig ni Bryle na tawag ni Brianne sa fiancé nito. Halos pabulong iyon pero sapat para makarating sa kaniyang pandinig.
Nakakainis dahil sa kalagayan nila ngayon ay nakadarama pa rin siya ng pananaghili kay Ethan, dahil hanggang sa mga sandaling iyan ay ito pa rin talaga ang tinatawag ni Brianne.
Binuksan niya ang mga mata at lakas loob na sinulyapan ang dalaga. Nahabag siya nang makita ang namumugto nitong mga mata, mga mata nito na noon ay nakatitig kay Ethan.
Gusto niyang kumawala sa pagkakapugal upang balutin ang hubad nitong katawan at ialis doon sa nakasusuklam na lugar, pero mas nakasusuklam na wala siyang magawa.
Napatingin siya kay Zayne nang kumilos ito at patingkayad na naupo sa ulunan ni Brianne. Binunot nito ang baril sa baywang at inilapat iyon sa chin ni Bri
