NATAPOS na ang trabaho ni Lovely kaya naman nagpasya siya na pumunta sa labas at hintayin ang kanyang kaibigan.
"Teh, alam mo na ba ang daan pauwi?" nag-aalangan na wika ni Beauty sa kanya.
"Oo, nasaulo ko naman. Bakit mo naman naitanong?" taka na wika ni Lovely. May kasama kasi si Beauty, at sa kanyang pagkakaalam e manliligaw niya ang lalaki.
"Ano kasi..." alanganin na saad ni Beauty sa kanya.
"May lakad ka ba kasama niya?" kanyang tanong. Mabangal naman na tumango ang kanyang kaibigan.
"Teh, pasensya na talaga. Hindi ko naman gusto na indian-in ka. E baka kasi mamaya e magsarado na iyung kakainan namin. Gusto sana kitang isama kaso sobrang matao roon at baka ma-awkward ka. Pero pwede ka namang sumama!" saad sa kanya ng kanyang kaibigan.
Agad naman na nailing si Lovely. "Huwag na.
