SAKTONG nagising si Camilla ng dumating ang staff ng mga De Asis. Inihatid muli ang breakfast nilang dalawa ni Ford Dean. Sa totoo lang ay gusto sana ni Camilla na siya na lang ang magluto para sa kanila ni Ford Dean, wala naman kasi siyang masyadong ginagawa. Binabantayan lang naman niya ito at para naman sulit din ang binabayad sa kanya ng pamilya ng lalaki. Mamaya ay tatawagan niya si Tita Dana para sabihin dito ang gusto niya. Papayag naman siguro ito at saka marunong din naman siyang magluto. Sa bahay nga nila sa probinsiya, kapag wala siyang klase ay siya ang nagpi-presenta na magluto o kung hindi naman ay tinutulungan niya ang Nanay niya sa pagluluto.
Inayos naman ni Camilla ang magiging breakfast ni Dean. Mamaya na lang siya mag-aagahan kapag napakain na niya ito. Baka kasi nagug
