PATIENCE is a virtue. Iyan ang motto ni Camilla bilang nurse. Maraming kasing pasyenteng dumadanas ng depression sa mga sakit na nararamdaman ng mga ito. Hindi lang iyon, pati na din mga pamilya ng pasenyete kaya naiintindihan niya kung bakit minsan ay mainitin ang mga ulo ng mga ito. They are sensitive. Kahit na minumura o pinagsasalitaan siya ng masama ay hindi niya iyon dinidibdib. Pinapakinggan lang niya at saka niya inilalabas sa kabilang tainga.
Pero iba ang nararamdaman niya ngayon. Iba ang nararamdaman niya sa mga masasakit na salitang binitiwan ni Ford Dean sa kanya. Sa totoo lang ay dapat hindi siya magpa-apekto, alam naman niya sa sarili na walang katotohanan ang mga sinabi nito sa kanya pero hindi pa din niya napigilan ang masaktan. Lalo na pinag-iisapan siya nito na masama,
